Ndoshta nuk ka asnjë klub në botë me më shumë kapacitet për rigjenerim se Borussia Dortmund. Në gjashtë vitet e fundit kjo skuadër ka humbur Kagawa, Gotze (rikthehet pas një hapi fatkeq te Bayern), Lewandowski, Mkhtaryan, Hummels, Gundogan dhe Dembele, plus trajneri Jurgen Klopp. Dhe vit pas viti është rindërtuar në sajë të syrit të mprehtë për t’i gjetur fubollistëtë para shpërthimit të tyre. Në këtë rrugë po vijon. I fundit i shitur shumë shtrenjtë është Dembélé, një shembull i mrekullueshëm i kësaj politike të kërkimeve për talente të rinj. Pesë nga shtatë nënshkrimet e sezonit aktual nuk i kanë mbushur akoma 23 vjeç. Me to është bashkuar si trajner holandez Peter Bosz, apostull i Cruyff (çdo 15 ditë shkoja në Amsterdam me vëllain tim për ta parë atë teksa luante, sepse ishte gjithmonë frymëzimi im), që e çoi sezonin e kaluar Ajax në finalen e “Europa League”.
Shtrirja fillestare e asaj skuadre mezi i tejkalonte 22 vitet dhe Borussia Dortmund e kuptoi se ishte e përshtatshme fiks me projektin e tij. Bosz ka ngadalësuar “gjakderdhjen” mbrojtëse të ekipit. Me Tuchel, sezonin e kaluar, Dortmund shënoi dy ose më shumë gola në dhjetë ndeshje të Bundesligës. Me holandezin në stol ka pësuar një gol në gjashtë ndeshje, rekord që e mban atë udhëheqëse të kampionatit, me pesë fitore dhe një barazim. Një presion shumë i lartë është prologu i lojës së ekipit. “Nëse ju humbni topin, kundërshtari ka pesë sekonda për të vendosur. Kjo është koha që ju duhet për ta rimarrë topin, – tha Bosz. – Unë nuk e pëlqej një ekip që vetëm shkatërron. Dua të kem një pasdite të mirë dhe të tjerët ta gëzojnë atë që bëjmë.” Njerëzit thonë se ai kaloi shumë ditë duke studiuar trajnimin e Van Gaalit tek Ajax, një ekip që u kthye nga Maccabi në rekomandimin e Cruyff. Izraeli e mori djalin e tij, Jordi, dhe atje u takua me Johan, referentin e tij: “Të haje me të një ditë ishte sikur të lexoja shumë libra brenda pak orësh”.
Për Real Madridin do të jetë një përballje e vështirë me Yarmolenko, zëvendësuesin e Dembele, dhe Pulisic, partner finalizues me Aubameyang. Ky i fundit ka shënuar dymbëdhjetë gola në nëntë ndeshje. Weigl është mesfushori i së ardhmes në ekipin gjerman, i cili të shtunën ka luajtur ndeshjen e tij të parë të plotë në katër muaj, pas thyerjes së kyçit të këmbës vitin e kaluar. Real Madridi hipi në aeroplan me Kroos, i cili do të luajë në mesfushë, duke iu bashkuar kroatit Luca Modric. Bale, gjithashtu, kthehet për të ulur në stol Marco Asensio, një zakon që nuk mori për mirë në “Bernabeu”. Isco do të mbetet si një tip i mesëm i menaxhmentit të lartë. Lart është Cristiano Ronaldo, i cili nuk ka qenë i përdorur për 5 javë në kampionat, por është ndjerë gjithmonë i lirë nga mallkimi i Madridit në Gjermani. Në çdo rast, Real Madridi nuk ka fituar asnjë nga gjashtë vizitat në Dortmund, të cilat filluan në vitin 1998. /telesport.al/
