Para se të mbaheshin zgjedhjet për president të SHBA-ve, kishin filluar spekulimet se kush mund të ishin njerëzit që do ta përbënin kabinetin e presidentit tashmë të zgjedhur, Donald Trump.
Tash pasi që republikani Donald Trump është bërë president i Amerikës, ekziston mundësia e madhe që në kabinetin e tij të gjenden disa persona më të vjetër se 70 vjeç.
Presidenti Donald Trump dhe nënpresidenti Mike Pence për vete i kanë siguruar karriget, derisa spekulohet se pozicion të lartë të mbajë Rudy Giuliani (72) ish kryebashkiak i Nju Jorkut, për të cilin thuhet se do të jetë kryeprokuror i SHBA-ve.
Për sekretar të shtetit është paraparë Newt Gingrich (73), i njohur për udhëheqjen e të ashtuquajturit revolucion republikan në vitin 1994. Ai ka qenë kryetar i Dhomës së Përfaqësuesve të Kongresit amerikan nga vitit 1995 deri në vitin 1999.
Ministër i Mbrojtjes mund të jetë gjenerali i pensionuar i ushtrisë amerikane, Mike Flynn (58) dhe ish drejtor i Agjencisë së Mbrojtjes.
Për ministër të financave mediat amerikane përmendin Steve Mnuchin (53), bankier nga Wall Street dhe producent filmik.
Në krye të ministrisë së Tregtisë mund të gjendet Lew Eisenberg, njeriu që vije nga komitetit Kombëtar i Republikanëve. /Lajmi.net/