Opinionisti, Rrahman Paçarizi ka thënë se Listës Serbe i është dhënë hapësirë që të bëjë kushtëzime në qeverinë me kryeministër, Ramush Haradinajn.
Ai thotë se kjo listë ka hyrë në qeveri me fillim me një kushtëzim – Ministrinë e Bujqësisë.
“Nëse partnerët nuk i kanë qartësuar të gjitha detajet, ushtrinë, demarkacionin, dialogun dhe të tjera atëherë i kanë lënë hapësirë Listës Serbe që të kërkojnë favore veç e veç për secilën”, ka thënë Paçarizi, njofton Klan Kosova.
Ai është përgjigjur me “sigurisht”, kur është pyetur nëse Qeveria Haradinaj do të jetë e drejtuar nga Presidenti i Serbisë, Aleksandar Vuçiq.
“Është një shqetësim se kjo qeveri, performaca e saj do të varet nga jetëgjatësia e saj”.
“Energjinë e Haradinajt mund ta ndërpres Lista Serbe me një veprim të vetëm”, ka shtuar Paçarizi.
