Specialistët për Krimet, në Komisariatin e Policisë Elbasan, bënë arrestimin në flagrancë të shtetasve Aurel Braçja, 24 vjeç, banues në Elbasan dhe Ymer Braçja, 54 vjeç banues në Elbasan, të dy babë e bir.
Arrestimi i tyre u bë pasi dyshohen të kenë paguar dy shtetas të mitur me qëllim që të dëmtojnë për arsye konkurrence pajisjet në këndin e lojërave në pronësi të shtetasit F.K, 56 vjeç banues në Elbasan.
Gjithashtu ka filluar procedimi penal në gjendje të lirë ndaj dy shtetasve të mitur K.K, 15 vjeç dhe J.P, 16 vjeç, të dy banues në Elbasan.
Materialet i kaluan Prokurorisë Elbasan për veprime të mëtejshme për veprën penale “Shkatërrimi i pronës kryer në bashkëpunim” dhe “Shkatërrimi i pronës me zjarr, mbetur në tentativë”.
