Policia pakistaneze thotë se kanë ngritur aktakuzë ndaj ish-burrit dhe babait të një gruaje britanike-pakistaneze, nën dyshimin se e kanë vrarë atë, në atë që quhet “vrasje të nderit”.
Ky njoftim është bërë nga policia rajonale në Provincën Punjab.
Samia Shahid, 28-vjeçare, vidq në Punjab, ku kishte shkuar për të vizituar të afërmit. Policia thotë se ajo ka vdekur pasi ishte ngufatur.
Burri i saj, Mukhtar Kazam, thotë se ajo është vrarë për shkak se ishte martuar me të pa dëshirën e familjes.
Burri i parë i Shahid, Muhammad Shakeel, është arrestuar nën dyshimin se e ka vrarë atë, ndërkaq babai i viktimës Chaudhry Muhammad, gjithashtu po mbahet në polici nën dyshimin se është bashkëfajtor në vrasje.
“Ish-burri gjithashtu po akuzohet se e ka përdhunuar atë”, ka thënë për AFP, zyrtari policor Abubakar Buksh.
Qindra gra pakistaneze vriten çdo vit nga të afërmit