Aktivistë të Lëvizjes Vetëvendosje janë përleshur me policinë sot në afërsi të Stacionit të Autobusëve në Mitrovicë.
Përleshja e tyre me policinë ndodhi deri sa tentuan të shkojnë tek shtëpia e kryeparlamentarit Kadri Veseli, ku do ti vendosin një pankarte me mbishkrimin “Perëndimi nuk falet, Veriu nuk ndahet”.
Sipas Lëvizjes Vetëvendosje gjatë këtij aksioni është lënduar edhe njëri nga veteranët e UÇK-së, Musa Ajeti.
Në videon e dërguar nga Vetëvendosje, shihet qartë se si fillojë përleshja mes aktivistëve dhe policisë.
Në video shihet edhe një person civil i cili përleshet me aktivistët, dhe njëri nga ta e pyet se “kush je ti?”.
Ndërkaq Fidan Ademi nga Vetëvendosje ka thënë se mbrapa policisë po qëndrojnë zyrtarët e PDK-së që po ju japin urdhra drejtpërdrejt policisë.
“Janë kriminel dhe rrugaç. Po shihet se po e provokojnë masën rrugaçët e paguar të Kadri Veselit, mirëpo ne nuk do t’i ndalim aksionet tona”, ka thënë Ademi.
Ai ka shtuar se Kadri Veseli është i gatshëm që pas Veriut ta shesë edhe Perëndimin e Mitrovicës.
