Me të nisur seanca e Kuvendit të Kosovës, deputetët kanë shkuar në pauzë prej 30 minutash.
Këtë e ka kërkuar kryesuesi i seancës së sotme, Xhavit Haliti, pasi që edhe pse në sallë gjindeshin 84 deputetë, vetëm 37 prej tyre votuan në pikat e rendit të ditës, shkruan lajmi.net.
Në fillim të seancës, Haliti tha se nëse deputetët e opozitës nuk votojnë, atëherë duhet të pritet deri sa të jetë kuorumi për një gjë të tillë.
Në rend të ditës është edhe votimi i projekt-buxhetit për vitin 2019, e i cili nuk e ka gjetur përkrahjen e partive opozitare.
Ende nuk dihet nëse i njëjti do të votohet sot në lexim të parë.
