Numri i madh i aksidenteve me fatalitet ditëve të fundit ka hapur një debat për masat ndëshkuese që duhet të merren ndaj shkelësve të rregullave të komunikacionit.
Policia e Kosovës ka shtuar pikat e kontrollit rrugor duke këshilluar dhe gjobitur qytetarët që po rrezikojnë trafikun rrugor.
Por, nuk janë vetëm qytetarët ata që po shkelin këto rregulla, edhe zyrtarë të lartë qeveritar e komunalë janë “kapur” duke vozitur në mënyrë të gabuar.
Shqetësim akoma më të madh paraqesin edhe zyrtarët policorë, kur shpesh në vend që të jenë shembull për qytetarët, ata bëjnë pikërisht të kundërtën, shkelin rregullat.
Një qytetar që ka dërguar një video te “Zyra e Ankesave” në RTV Dukagjini, pretendon se një zyrtar policor po e përdor telefonin mobil, derisa po voziste veturën zyrtare.
Video, po ashtu sipas qytetarit në fjalë, është regjistruat në një rrugë në Suharekë.
