Senatorja demokrate e Minesotës, Amy Klobuchar, 59 vjeçe, një avokat me profesion, njoftoi zyrtarisht kandidaturën e saj për zgjedhjet presidenciale të vitit 2020 në Mineapolis nën reshjet e dendura të borës dhe një temperaturë prej -14 gradësh. “Nuk do të na ndalë as moti i keq”, tha ajo me shaka dhe më pas foli për “ndjenjën e komunitetit që po thyhet në Amerikë” dhe angazhimin e saj për “ta nxjerrë kombin nga kaosi, në mundësi për të gjithë”.
