Komisioni emergjent komunal sot, shqyrtoi gjendjen aktuale të rrugëve në komunën e Prizrenit dhe konstaton se në terë territorin e komunës sonë lëvizja e qytetareve me mjete motoristike është e mirë, por sigurisht se duhet kujdes i shtuar gjatë ngasjes nga shoferet.
“Instituti Meteorologjik i Kosovës, ka paralajmëruar reshje të reja gjatë ditëve në vijim ndaj kërkojmë mirëkuptim nga qytetarët për mos hedhjen e borës në rrugë, mos parkimin e automjeteve në trotuare dhe hapësira tjera publike, sepse pengojnë operatorët në kryerjen e punëve të kontraktuara për pastrimin e borës”, apelon Komuna.
Komuna kërkon nga Policia e Kosovës që të mbështesë aktivitetet tona në tejkalimin e situatës emergjente të krijuar nga reshjet e borës.
