Një grup studentësh protestuan në Pejë para universitetit “Haxhi Zeka”, duke kundërshtuar mosakreditimin e shtatë programeve. Kundër protestës dolën disa studentë të tjerë, kurse rektori premtoi zgjidhje të problemit
Një grup studentësh protestuan në Pejë para universitetit “Haxhi Zeka”, duke kundërshtuar mosakreditimin e shtatë programeve. Kundër protestës dolën disa studentë të tjerë, kurse rektori premtoi zgjidhje të problemit.
Suspendimi i shtatë programeve nga Agjensioni për akreditim, nxiti një grup studentësh të Universitetit “Haxhi Zeka “ në Pejë, në një protestë paqësore.
Para rektoratit ata kërkuan ndalimin e nepotizmit dhe punësimit partiak. Mirëpo një tjetër grup i studentëve, përfaqësues të organizatës “Zëri studentor”, kundërshtuan këtë protestë.
Rektori i Universitetit “Haxhi Zeka “, Fadil Millaku thotë se studentët protestues asnjëherë nuk kanë kërkuar takim për të shprehur shqetësimet e tyre. Ai tha se programet të cilat aktualisht janë suspenduar nuk do të thotë se janë anuluar.