Një grup i qytetarëve të Gjakovës është mbledhur afër Kishës Ortodokse me qëllim që të kundërshtojë vizitën e paralajmëruar të pelegrinëve serbë për Krishtlindjet Ortodokse.
“Për momentin situata është e qetë janë diku rreth 30 persona që janë aty, nuk presim që mund të eskalojë situata. Ende pelegrinët serbë nuk kanë arritur në Gjakovë janë në Deçan për momentin, por presim që ata do të vinë në vizitë edhe në Gjakovë”, ka thënë Podrimaj.
Vizita e pelegrinëve serbë në Gjakovë është përvitshme dhe ajo korrespondon me Krishtlindjen ortodokse.
Dy vite më parë, gjendja ishte tensionuar kur pelegrinët serb ishin penguar të vizitojnë kishën për Krishtlindjet Ortodokse, për çka më pas ish-ministri në Qeverinë e Kosovës nga Lista Serbe, Aleksandar Jabllanoviq i kishte fyer nënat gjakovare duke i quajtur egërsira.
Gjakova, është një nga rajonet që ka pësuar shumë gjatë luftës së fundit, ku ish–regjimi i Sllobodan Millosheviqit ka lënë pas viktima dhe shkatërrime të shumta.
