Para pak minutash, njëri nga punëtorët e larguar nga puna nga KEDS-i, ka tentuar të hidhet nga kati i njëmbëdhjetë i objektit të kësaj kompanie. Punëtori që tentoj të hidhet është nga Mitrovica.
Fatmirësisht, në atë moment kanë reaguar kolegët e tij dhe e kanë ndaluar. Ata thonë se skena ka qenë si nëpër filma.
Ky është vetëm njëri nga 95 punëtorët që dje janë larguar nga puna në KEDS, ani pse kishin pasur kontrata të rregullta.
Këtë e konfirmon edhe Rashit Gashi nga Federata e Sindikatës së Pavarur të “Elektro-Kosovës”, raporton lajmi.net
Kujtojmë se në kohën e privatizimit të kësaj kompanie, Besim Beqaj, ministër i Zhvillimit Ekonomik atë kohë, kishte premtuar që asnjë punëtor me kontrata të rregullta nuk do të largohej nga puna.
