Ministri turk i Drejtësisë, Bekir Bozdag deklaroi të enjten se kleriku mysliman Fetullah Gulen mund të largohet nga Shtetet e Bashkuara të Amerikës.
Turqia vazhdon të akuzojë klerikun për grushtin e shtetit të dështuar më 15 korrik, megjithëse Gulen e ka dënuar atë.
Bozdag i tha Haberturk se Gulen mund të ikë në Australi, Meksikë, Kanada, Afrikën e Jugut ose Egjipt. Ai thotë se shërbimi sekret turk ka të dhëna për këtë. Kleriku jeton në Pensilvani të Shteteve të Bashkuara që prej vitit 1999.
