Real Madridi është treguar i pamëshirshëm kundër Granadas, duke e mposhtur me rezultat të thellë 5-0, të shtunën në ‘Bernabeu’, në javën e 16-të të La Ligas.
‘Los Blancos’ në të gjitha aspektet janë treguar ekip shumë më i mirë se skuadra mike.
Skuadra e Zinedin Zidane arkëton edhe tri pikë të vlefshme në garën për titull të kampionit, transmeton KosovaPress.
Isco (12’, 31’), Benzema (21’), Ronaldo (27’) e Casemiro (58’) shënuan golat e fitores për Real Madridin, e cila tani ka 40 pikë në krye të tabelës, gjashtë më shumë së Barcelona, e cila ka një ndeshje me pak, kurse, Granada është e parafundit me vetëm nëntë pikë.
