Ish-pjesëtari i Ushtrisë Çlirimtare të Kosovës Remzi Shala i njohur me nofkën “Molla e Kuqe” pas ftesës që ka marrë nga Gjykata Speciale është larguar nga shtëpia e tij në fshatin Shirokë të Suharekës drejt një lokacion të panjohur
Familjarët dhe fqinjtë e tij kanë konfirmuar që ai është larguar nga vendbanimi dhe se nuk dihet se ku ndodhet tani.
Në anën tjetër avokati i Shalës, Natal Bullakaj ka thënë për media se as ai nuk ka ndonjë informacion se ku ndodhet.
Ai po ashtu ka treguar se nuk ka më kontakte me ish-pjesëtarin e UÇK-së nga dita e publikimit të ftesës nga Gjykata Speciale.
Kujtojmë se Remzi Shala dje ka konfirmuar për media që ka marrë ftesë nga Gjykata Speciale por ka pranuar që nuk do t’i përgjigjet pozitivisht ftesës.
