Mbeturinat e shumta të grumbulluara në afërsi të liqenit të Badovcit janë larguar sot pas organizimit të Forumi rinor të degës së pestë të LDK-së në Prishtinë. Në këtë aksion morën pjesë aktivistë të tjerë të rinisë së LDK-së si dhe kryetarët e disa degëve në Prishtinë.
Ky aksion u përkrah nga shumë qytetarë, të cilët në mënyrë vullnetare kontribuan në pastrimin e kësaj pjese periferike të Prishtinës, në afërsi të së cilës gjendet kopshti i arinjëve, i vetmi në rajon.
Kujtojmë se me mbeturina të grumbulluara në natyrë kanë probleme të shumta edhe banorët e shumë fshatrave të Prishtinës përfshirë fshatin Mramor, të cilët janë ankuar disa herë për shkak të neglizhencës së treguar nga Komuna e Prishtinës në menaxhimin e tyre.
