Tensionet tregtare midis Kinës dhe Shteteve të Bashkuara janë rritur, pasi Pekini u është përgjigjur planeve të SHBA-së për të vënë taksa të reja mbi qindra importe kineze.
Kina tha se do të vë tarifa tregtare prej 25% mbi 106 mallra amerikane, përfshirë makinat, sojën dhe lëngun e portokallit.
Masat dhe kundërmasat vijnë pasi Uashingtoni ka dhënë detaje për rreth 1,300 prodhime kineze që synon t’i godasë me tarifa, po ashtu 25%.
Mallrat që do të tatojë SHBA-ja, përfshijnë televizorët dhe motoçikletat kineze.
SHBA ka thënë se masat e saj janë përgjigje ndaj praktikave të padrejta tregtare të Kinës.
Tregjet e aksioneve në Evropë kanë rënë, pasi investitorët janë shqetësuar nga shpejtësia e reagimit të Kinës.
