Seanca e Kuvendit të Kosovës për ratifikimin e marrëveshjes së demarkacionit me Malin e Zi mund të mos mbahet të mërkurën ashtu siç ishte planifikuar.
Burime të lajmi.net brenda Qeverisë së Kosovës kanë thënë se në seancën e së mërkurës mund të mungojë Lista Serbe për shkak të shënimit t 7 Marsit, Epopesë së Ushtrisë Çlirimtare të Kosovës.
“Andaj, dita e enjte është dita ideale për të votuar demarkacionin, pasi edhe zgjedhjet (lokale) në Serbi përfundojnë”, kanë thënë burime të lajmi.net.
Lista Serbe edhe në takim me presidentin e Komisionit Evropian, Jean-Claude Juncker ka dhënë indikacione të qarta se javën e ardhshme do ta votojnë demarkacionin.
Aktualisht koalicionin qeveritar pa Listën Serbe dhe pa Vetëvendosjen, por me LDK-në i ka 78 vota, ndërkaq për ta ratifikuar demarkacionin duhet minimalisht 80 vota ose 2/3 e të gjithë deputetëve.
