Deputeti i LDK-së, Driton Selmanaj, në një intervistë në InfoBox të RTV Dukagjinit, ka thënë se qeveria e Ramush Haradinajt, do të rrëzohet më së largu në pjesën e parë të këtij viti.
Ai për këtë, tha se mund të ndodhë që edhe vetë PDK-ja ta bëjë një gjë të tillë.
Selmanaj kritikoi qeverinë se po e zgjeron edhe më tutje numrin e veteranëve, duke dhënë libreza të reja për veteranë.
Madje, deputeti i LDK-së, thotë se për të qëndruar në krye të këtij institucioni, Haradinaj do ta votojë edhe ratifikimin e marrëveshjes për përcaktimin e kufirit me Malin e Zi.
Selmanaj foli edhe për pagesën e rrymës që qytetarët kanë paguar për pjesën veriore të vendit, duke thënë se për këtë qytetarët duhet të kompensohen. /RTV D/Telegrafi/
