Paraditen e sotme Prokurorja e Përgjithshme, Arta Marku ka firmosur për ndërprerjen e komandimeve të prokurorëve.
Ky vendim i shefes së organit të akuzës bën që prokurorët të kthehen automatikisht pranë prokurorive ku janë emëruar dhe ata janë duke bërë dorëzimin e dosjeve.
Në të gjithë vendin ka rreth 30 prokurorë të komanduar, ndërsa Marku ka ndërprerë deri më tani komandimet për 6 drejtues.
Mësohet se mes prokurorëve që lëvizin ka edhe nga Krimet e Rënda, Vlora, apo Durrësi, ndërsa brenda janarit do të ndërpriten të gjithë komandimet.
Kjo lëvizje e rradhës e Kryeprokurores së përkohshme, vjen pas një vale shkarkimesh dhe emërimesh, ku më e kontestuara ishte lëvizja e prokurores Rovena Gashi dhe bashkëshortit të saj Dritan Gina.
