Gjykata e Shkodrës rrëzon kërkesë-padinë e kryebashkiakes Voltana Ademi për zgjedhjet e 30 qershorit. Sipas padisë së saj, zgjedhjet kanë qenë në paligjshmëri dhe në shkelje të dekretit presidencial, kërkesë që nuk është pranuar nga Gjykata.
Në fakt, Gjykata ka marrë në shqyrtim mandatin e të zgjedhurit Valdin Pjetri, por brenda çështjes është gjykuar edhe pretendimi i Ademit, e cila kërkonte që të mos merrej vendim pro Pjetrit, si i zgjedhur në krye të Bashkisë.
Gjykata vlerësoi të gjithë dokumentacionin dhe i dha mandatin Pjetrit, që duhet thënë se është hera e parë në historinë pluraliste të Shqipërisë që Bashkia e Shkodrës drejtohej nga një përfaqësues i së majtës.
Vetë Voltana Ademi ka qenë e ashpër në qëndrimet e saj, shpesh edhe në takimet me Bashën. Ajo ka deklaruar se nuk do ta lirojë zyrën, deri në momentin kur të ketë një vendim nga Gjykata Kushtetuese për dekretin e Metës, nëse ka qenë apo jo në përputhje me Kushtetutën.
