Ndalimi i prerjes së drunjve në Shqipëri ka ndikuar në rritjen drastike të importit të kësaj lëndë djegëse nga Mali i Zi në këtë shtet fqinj dhe rritjen e çmimit të drunjve për ngrohje.
Në disa qytete të Malit të Zi çmimi arrin deri në 50 euro për metër, shkruan Pobjeda.
Eksporti i përgjithshëm i drunjve në Shqipëri në tetë muajt e parë të këtij viti ka arritur në 2.8 milionë euro dhe shënon rritje prej 95.3 për qind në krahasim me të njëjtën periudhë të vitit të kaluar, ku shumë e përgjithshme ishte 1.43 milionë euro, transmeton lajmi.net.
Biznesmenët për rritjen e eksportit fajësojnë Ministrinë e Ekonomisë dhe Zhvillimit Rural, pasi që, sipas tyre, kanë caktuar kushtet që lejojnë që shumica e lëndëve të para të përfundojnë në eksport.
Qytetarët nga rajoni verior vlerësojnë se si arsyeja e ofertës së ulët dhe shtrenjtimit të drunjve është fakti se janë paraqitur blerës nga Shqipëria të cilët nuk pyesin për çmim, kështu që metrin e paguajnë edhe 20 euro më shtrenjtë në krahasim me blerësit vendas.
