Claudineia don Santos Melo është qëlluar në bark nga një plumb qorr, që u shkrep gjatë një aksioni mes policëve dhe bandave të drogës në një rrugë të Brazilit.
Megjithëse u godit edhe fëmija në mitër, shtatzëna në muajin e nëntë iu nënshtrua intervenimit emergjent dhe u krye lindja përmes prerjes cezariane, transmeton Telegrafi.
Fëmija që u plagos ende pa lindur
Vogëlushi që u quajt Arthur, kishte marrë lëndime në mushkëri dhe palcën kurrizore, si dhe i është dëmtuar njëri vesh.
Por, pas intervenimit të menjëhershëm, gjendja tij shëndetësore i është kthyer normalitetit.
Derisa rasti është nën hetime, tre persona janë identifikuar si të përfshirë në ngjarje dhe po qëndrojnë nën arrest.
