Presidenti i vendit, Hashim Thaçi, pas vendimit të Komitetit LIBE për liberalizimin e vizave ka thënë se Kosova po i ofrohet çdo ditë e më shumë vendimit final.
Përmes një postimi në Facebook, Thaçi është shprehur se vendimi në fjalë ka qenë shumë kohë i pritshëm, dhe tani hapi i rradhës është që qytetarëve t’u hiqet çdo pengesë e lëvizjes së lirë në zonën Shengen.
Ky është postimi i plotë i Thaçit në Facebook:
“Komiteti për Liritë Qytetare, Drejtësi dhe Çështje të Brendshme në Parlamentin Evropian, sot ka marrë një vendim tepër të drejtë, duke votuar pro liberalizimit të vizave për qytetarët e Kosovës.
Çdoherë e më shumë po i afrohemi vendimit final, shumë kohë të pritshëm, që t’u hiqet çdo pengesë e lëvizjes së lirë edhe qytetarëve tanë në zonën Shengen”
