Një e burgosur e Qendrës Korrektuese në Lipjan ka ndërruar jetë në Qendrën Klinike Universitare të Kosovës të dielën.
Policia e Kosovës është njoftuar rreth orës 14 për rastin, raporton Gazeta Express.
Vdekja e të burgosurës tash për tash cilësohet ‘e dyshimtë’, ka thënë për Express zëdhënësja e Policisë, Florije Ahmeti.
Mjekësia ligjore është angazhuar menjëherë për zbardhjen e rastit, ka thënë Ahmeti.
Identiteti i të vdekurës nuk është bërë i ditur.
