Vendimi për caktimin e masës për tre të dyshuarit pritet të merret pas një ore, njofton Klan Kosova.
Prokurori i Speciales, Sylë Hoxha ka kërkuar që të dyshuarve tu caktohet masa e paraburgimit.
Policia ka bërë të ditur se lidhur me plagosjen e avokatit Vllasi është arrestuar sot një i dyshuar.
Për të njëjtin rast gjatë ditës së djeshme janë arrestuar Murat Jashari, vëllai i Ismet Jashrit, ish-komandantit të UÇK-së i cili është i dyshuari kryesor për plagosjen e avokatit, Azem Vllasit, ndërsa i dyshuari tjetër është Avni Llumnica, vëllai i dëshmorit Nexhmi Llumnica, i vrarë nga policët serbë në maj të vitit 1999 në Konushevc të Podujevës.
Të dy ishin arrestuar në periferi të Prishtinës derisa kishin marrë rrugë për në Ferizaj.