VMRO-DPMNE sot ka reaguar ndaj kryeministrit grek, Aleksis Tsipras i cili në nje takim me Aleksandr Vuçiq e akuzoi Maqedoninë për iredentizëm dhe nacionalizëm.
“Me këto deklarata dhe ofendime që nuk mbajnë aspak ndaj Maqedonisë dhe popullit, kryeministri grek nuk kontribuon për zhvillimin e marrëdhënieve të mira fqinje dhe as nuk tregon të paktën pak vullnet në tejkalimin e problemit të cilin e ka Greqia me emrin tonë. Me këto deklarata Cipras tregon se ai nuk ka vullnet për zgjidhjen e kontestit, ndërsa jo Republika e Maqedonisë të cilën e akuzon”, vlerëson partia e cila së fundi nuk arriti ta krijojë qeverinë.