Gjatë analizimit të një meteori shkencëtarët zbuluan materialin më të vjetër që ekziston në Tokë.
Ata gjetën grimca pluhuri brenda shkëmbit hapësinor, që ra në Tokë në vitet 1960 dhe u gjet se janë deri në 7.5 miliardë vjeçare.
Grimcat e pluhurit u formuan në yjet që ekzistuan përpara se të lindte sistemi ynë diellor.
Rezultati i studimit u botua në revistën Proceedings of the National Academy of Science.
Kur yjet vdesin, grimcat e formuara brenda tyre bien në hapësirë. Më pas këto “grimca para-diellore” përfshihen në yje të rinj, planetë, hënë dhe meteoritë.
“Ata janë mostra të ngurta të yjeve,”- tha autori kryesor i studimit Phil Heck.
Një ekip studiuesish nga SHBA dhe Zvicra analizuan 40 grimat para-diellore të përfshira në një pjesë të meteoritit Murchison, i cili ra në Australi në 1969.
