Situata e zjarreve në Shqipëri është bërë aq shumë alarmante, sa që vatrat kanë mbërritur edhe pranë kryeqytetit. Së fundmi flakët nuk kanë kursyer as periferinë më të afërt të Tiranës, ku mësohet se një vatër zjarri është hapur në një pjesë të Parkut të Liqenit.
Sipas informacioneve të para, bëhet fjalë për një zjarr masiv të rënë në parkun e liqenit, ndërsa në vendin e ngjarjes kanë shkuar forca të shumta zjarrfikëse që po punojnë për izolimin e flakëve dhe mos përhapjen e tyre në të gjithë parkun. Deri tani nga flakët nuk rrezikohen banesat.
Drejtoria e Përgjithshme e Emergjencave Civile, në ministrinë e Punëve të Brendshme bëri të ditur të enjten se rreth 11 vatra zjarri të reja janë shënuar gjatë 24 orëve të fundit në disa qarqe të vendit.
