Kryetari i Prishtinës priti sot në takim Ambasadorin e ri italian në Kosovë, Piero Cristoforo Sardi.
Ahmeti njoftoi ambasadorin me punën që po bëhet në Komunën e Prishtinës, projektet e realizuara deri më tash, instalimin e transparencës radikale në qeverisje, luftimin e krimit dhe korrupsionit dhe mirëqeverisjen në përgjithësi.
Ambasadori Sardi ka shprehur kënaqësinë që ka filluar mandatin në Kosovë dhe ka shfaqur interesimin e tij për bashkëpunim sa më të ngushtë me të gjitha institucionet në vend në veçanti me Komunën e Prishtinës si qeverisje kompetente për kryeqytetin.
