Darko Tanaskoviq, mburret që Kosova nuk u pranua në UNESCO, por shprehet se situata mund të ndryshojë nëse nuk punohet.
Ambasadori serb në UNESCO-s dhe ish-ambasador i këtij vendi në Vatikan, Darko Tanaskoviq është shprehur se nuk beson që Papa Françesku do ta vizitojë Kosovën, por ka shtuar se edhe nëse një gjë e tillë ndodhë, kjo nuk do të thotë se Vatikani ka njohur, ose do njohë Pavarësinë e Kosovës.
I dërguari serb në UNESCO po ashtu ka thënë për Sputnikun rus, se edhe nëse në rrethana të caktuara, gjë që absolutisht nuk besoj se ndodhë, papa do të shkonte në Kosovë, kjo nuk do të thotë se Vatikani e njohu shtetësinë e këtij vendi, transmeton Klan Kosova.
Tanaskoviq beson gjithashtu se Serbia asgjë nuk ka humbur kur bëhet fjalë për Kosovën.
Ky reagim i tij erdhi pas deklaratës së presidentit të Kosovës Hashim Thaçi i cili theksoi ditë më parë se “Papa Françesku do ta vizitojë Kosovën si dhe ta njoh realitetin e Ballkanit”, transmeton Klan Kosova.