Armend Zemaj: Luftës kundër COVID-19 iu shtuan edhe 20 inspektorë sanitar

13.07.2020 09:20:03

Ministri i Shëndetësisë, Armend Zemaj ka thënë se luftës kundër COVID-19, iu shtuan edhe 20 inspektorë sanitar.

Zemaj ka thënë se këta inspektorë do të jenë të angazhuar në tërë Kosovën.

“Në vijim do të fillojnë̈ punën edhe 100 mjekë, 62 infermierë, 8 laborantë, 6 punonjës staf teknik dhe mbështetës. Kjo po bëhet në kuadër të rritjes së kapaciteteve të luftës kundër pandemisë̈ COVID-19”, ka shkruar Zemaj.

Ministri ka kërkuar nga qytetarët që të vazhdojnë t’i respektojnë masat mbrojtëse.

Postimi i plotë:

Kapacitetet tona po rriten.
Edhe 20 inspektorë sanitar iu shtuan luftës kundër Covid-19.
Këta do të jenë të angazhuar në tërë Kosovën.
Do të mbikëqyren nga inspektorati përkatës që funksionon në Ministrinë̈ e Shëndetësisë̈.
Në vijim do të fillojnë̈ punën edhe 100 mjekë, 62 infermierë, 8 laborantë, 6 punonjës staf teknik dhe mbështetës.
Kjo po bëhet në kuadër të rritjes së kapaciteteve të luftës kundër pandemisë Covid-19.
Inspektorët e rinj do të kryejnë inspektime sanitare, kontrolle për sigurinë dhe cilësinë e ushqimit, higjienës së ushqimit, përpunimit, tregtimit, paketimit, ripaketimit, deponimit, transportimit të ushqimit.
Do të zbatojnë legjislacionin për Parandalimin dhe luftimin e Sëmundjeve ngjitëse.
Do të inspektojnë institucionet publike dhe private, produktet ushqimore dhe jo ushqimore; shtesat dhe aditivët në ushqim; higjienën në institucione publike dhe private; ujin për pije, pijet freskuese dhe joalkoolike; subjektet afariste të cilat merren me ushqim, përfshirë edhe zbatimin e parimeve të sistemit HACCP për kontrollin e ushqimit; objektet hoteliere.
Do të japin pëlqime sanitare për kushtet sanitaro – teknike dhe higjienike në procesin e dhënies së lejeve ndërtimore për objektet.

Ju lutemi respektoni masat mbrojtëse!
Vendosni maskat!
Ruajeni distancën!
Mbajeni higjienën personale e kolektive!