Agjencioni për Shërbime Audio dhe Audiovizuele të Maqedonisë ka reaguar në lidhje me jo profesionalizmin e televizioneve të Maqedonisë të cilët në kohën e vërshimeve dhe gjatë ditës së zisë sot në Maqedoni nuk kanë informuar në nivel dhe janë duke transmetuar muzikë zbavitëse, edhe pse në ditë zie duhet të transmetohet muzikë klasike dhe serioze, transmeton Telegrafi Maqedoni.
”Televizionet edhe nëse lëshojnë muzikë, ajo duhet të jetë serioze dhe klasike jo argëtuese. Gjithashtu apelojmë deri tek shtëpitë televizive që emisionet e tyre zbavitëse dhe shoë-të televizive t’i transferojnë për një ditë tjetër e jo sot, për të respektuar gjendjen aktuale në Maqedoni. Reklamat dhe teleshoping nuk kanë vend në një programë serioze në këtë kohë ku e gjithë Maqedonia mba zi për viktimat që humbën jetën nga vërshimet në Maqedoni.” shkruhet në kumtesën e Agjencionit për Shërbime Audio dhe Audiovizuele të Maqedonisë.
