Shefi i Grupit Parlamentar i PDK-së, Adem Grabovci ka thënë se nga argumentet e dhëna në debatin që është duke vazhduar ende, i janë krijuar dilema lidhur me atë se a humb Kosova territor me demarkacion apo jo.
Ai ka thënë se ka ende nevojë që të bindet për këtë gjë.
“Edhe mua ma kanë krijuar një dozë të rezevrës, por edhe si dëshmitarë poashtu kam insistuar dhe jam konsultuar me pjesën më të madhe të ketyre ekspertëve, kam nevojë ende që të bindem mbi të vërtetën dhe asnjëherë nuk do të pajtohem që të marrim vendime që bien ndesh me interesin e vendit, tërësinë territoriale”, është shprehur Grabovci, transmeton Indeksonline.
Grabovci ka shtuar se askush nuk e do më pak apo më shumë Kosovën, dhe se për interesin e vendit dhe të qytetarëve duhet të ketë angazhim të madh.
Sipas tij, PDK-ja do t`i marrë të gjitha argumentet e faktet dhe do t`i analizojë. Më pas, ka shtuar ai, do të dalin në përfundim duke u bazuar mbi argumente.
