Nuk qëndron deklarata se Lidhja Demokratike ka qenë gjithmonë kundër UÇK-së e bërë nga aktivisti i Lëvizjes Vetëvendosje, Xhelal Sveçla.
Madje, ish-kandidati për kryeministër, Avdullah Hoti e cilësoi si politikë ditore.
Hoti në një intervistë për Rubikon të KTV-së tha se është koha për bashkëpunim dhe marrje vendimesh e jo e deklaratave të këtij lloji.
“Hezitoj ta komentoj. Është deklaratë politike, politikë ditore dhe sot nuk është koha për politika ditore. Ju kam thënë edhe atë natë zyrtarëve të LVV-së se është koha që të marrim vendime”, ka thënë Hoti.
