Kryeministri Edi Rama ka mbledhur Kryesinë e Partisë Socialiste për të diskutuar mbi mbajtjen e Kongresit të 23 marsit në Pallatin e Kongresit si edhe zgjedhjet lokale.
Mbledhja po zhvillohet në Kryesinë e Kuvendit.
Sipas “Ora news”, në Kongresin e PS, që do mbahet ditën e shtunë rreth orës 10:00 në Pallatin e Kongresit, Rama pritet të publikojë vetëm listën e këshilltarëve bashkiakë për Tiranën. Kongresi i Partisë Socialiste do jetë i ndarë në tre sesione të ndryshme dhe do hapet nga Rama. Më pas do mbajnë fjalën disa ministra dhe kryetarë bashkie.
Kryeministri i ka dërguar ftesë për të marrë pjesë në Kongres edhe Fatos Nanos si edhe gjithë ish-kryeministrave të PS sipas Statutit.
