Sulmuesi i Interit, Lautaro Martinez, është shndërruar në ëndrrën e madhe të Barcelonës për verën e ardhshme.
Ylli argjentinas ka pasur një sezon të mirë nën drejtimin e Antonio Contes, ku në 20 paraqitje në Serie A ka shënuar 11 gola.
Te Barcelona janë duke shpresuar në një dështim për nënshkrim të kontratës së re mes Interit dhe Lautaros.
Në kontratën aktuale të Lautaros me Interin, ekziston një klauzolë që në muajin korrik i mundëson largimin për 111 milionë euro.
Kampionët e La Ligas, do të ishin të gatshëm të paguanin këtë shumë për Lautaron, si një zëvendësim të denjë për Luis Suarez.
