Gazetari kontravers Milenko Nedellkovski ka bërë një komentim ‘interesant’ të ndeshjes së futbollit në mes të Shqipërisë dhe Maqedonisë të luajtur në stadiumin ‘Loro Boriçi’ në Shkodër.
Milenko në profilin e tij në Facebook stadiumin e Shkodrës e ka quajtur ‘Arena e Sllobodan Millosheviçit’ duke vazhduar më tej se ‘na solli fat’ dhe ‘federata e Shqipërisë sonte dha një propozim që arena të riemërohet te Stojançe Angellov. Shiu i rrëmbyeshëm e detyroi referin që ta ndërpres lojën në 20 minutat e fundit për të vazhduar loja sot ku edhe fitoi Shqipëria ndaj Maqedonisë me rezultat 2:1. Poashtu gazetari nuk heziton që të thotë se ‘Ajo e natës së fundit do të luhet sot. Ajo e vitit 2001 do të luhet së shpejti…’.
Si duket me gjasë këto statuse ndoshta janë si ‘hakmarrje’ ndaj gazetarit të SuperSport dhe Digitalb, Dritan Shakohoxha, për shkak se arenën ”Filip Vtori” në Shkup e ka quajtur si arena ”Adem Jashari”.
