Zëvendës-ndihmës Sekretari i shtetit, përgjegjës për çështjet evropiane dhe euro-aziatike, Hoyt Brian Yee, ka filluar vizitën dy ditore në Kosovë.
Sot dhe nesër, ai do të zhvillojë një sërë takimesh me udhëheqësit kosovarë, përfaqësues të minoriteteve dhe përfaqësues tjerë politikë, njofton Ambasada Amerikane në Prishtinë.
Sot, ai pritet të zhvillojë takime të ndara me kryetarin e Kuvendit, Kadri Veseli, pastaj me zëvendëskryeministrin, Branimir Stojanoviq dhe udhëheqësin e grupit parlamentar “Lista Serbe”, Slavko Simiq, pastaj me ministren për Dialog, Edita Tahiri dhe ministrin e FSK-së, Haki Demolli.
Vizita e zëvendës-ndihmës Sekretarit të shtetit, po zhvillohet në kohën kur në Kosovë është ndërmarrë nisma për transformimin e Forcës së Sigurisë së Kosovës në forcë me mision ushtarak.
Në këtë çështje, institucionet e Kosovës, nuk kanë hasur në mbështetjen amerikane, për shkak të formës së propozuar për këtë transformim.
Përderisa institucionet e Kosovës, me nismën e presidentit Hashim Thaçi po synojnë që transformimi të realizohet përmes ligjit, Shtetet e e Bashkuara të Amerikës preferojnë që transformimi të zbatohet përmes amendamentimit të Kushtetutës.
Zëvendës-ndihmës sekretari amerikan, Hoyt Yee po qëndron në Kosovë
Ai gjatë ditës do të takohet me dy personalitete politike të vendit për të diskutuar për zhvillimet e fundit në Kosovë.
Zëvendës ndihmës sekretari për çështjet evropiane dhe euro-aziatike, Hoyt Brian Yee do të qëndroj sot për vizitë në Kosovë.
Nga ora 13 Zëvendës Ndihmës Sekretarin amerikan për çështjet evropiane dhe euro-aziatike, Hoyt Yee do të zhvilloj një takim me kryeparlamentarin, Kadri Veseli në kabinetin e kryetarit, njofton zyra për informim e Kuvendit.
Kurse më vonë vazhdon takimin me ministren për Dialog, Edita Tahiri në objektin e ministrisë së Punëve të Jashtme nga ora 15.
