Të paktë 6 persona kanë humbur jetën në Meksikë, si pasojë e rrëzimit të një helikopteri ushtarak.
Helikopteri MI-17 u përfshi nga flakët gjatë një operacioni, teksa po shuante zjarrin që kishin kapluar malet. Viktimat u gjetën në mal dhe ishin pjesë e personelit ushtarak të Meksikës.
Ngjarja ndodhi rreth 90 kilometra larg qytetit, Jalpan de Sierra. Ende nuk janë bërë të qarta arsyet e rrëzimit.
Presidenti i Meksikës, Andres Maneul Lopez Obrador si dhe zyrtarë të tjerë të shtetit mbajtën në mbrëmje një minutë heshtje në kujtim të personave që humbën jetën.