Eurodeputetja sllovene, Tanja Fajon derisa ka folur për dialogun që ka mbetur pezull tash e sa kohë në mes të Kosovës e Serbisë, ka thënë se duhet të revokohet taksa e vendosur nga Qeveria kosovare për produktet serbe e boshnjake.
Në një intervistë për Gazetën Shekulli, Fajon sa i përket ecurisë së dialogut midis Kosovës dhe Serbisë, vendos theksin tek taksa që qeveria e Kosovës ka vendosur ndaj Serbisë.
“Për negociata të suksesshme midis Serbisë dhe Kosovës, është e rëndësishme që Kosova të revokojë taksat e saj për produktet serbe”, ka thënë ajo.
Fajon ka kërkuar që të dyja vendet të kthehen në statusin e para vendosjes së kësaj takse.
“Për vazhdimin e negociatave, statusi mes tyre duhet të jetë si përpara se të zbatoheshin taksat. Vetëm në këtë mënyrë, është e mundur që në të ardhmen të gjesh një zgjidhje që do të kënaqte edhe Serbinë edhe Kosovën”, ka theksuar eurodeputetja.
