Kryeministrja e Zelandës së Re, Jacinda Ardern, ka njoftuar se një reformë e ligjit të shitjes së armëve do të shpallet brenda dhjetë ditëve. Megjithatë, disa qytetarë kanë hequr vullnetarisht armët e tyre gjysmë automatike. Një hetim gjithashtu do të fillojë në shërbimet e inteligjencës. Brenton Tarrant, autori supremacist australian i masakrës së Christchurch, mori jetën e 50 njerëzve dhe asnjëherë nuk kishte paraqitur rrezikshmëri tek autoritetet.
Sipas policisë, Tarrant ka vepruar vetëm, por mund të ketë pasur bashkëpunëtorë. Frika është se shërbimet e fshehta të Zelandës së Re ishin tepër të fokusuar në komunitetin musliman në zbulimin dhe parandalimin e rreziqeve të sigurisë.
John Hart@farmgeekUntil today I was one of the New Zealanders who owned a semi-automatic rifle. On the farm they are a useful tool in some circumstances, but my convenience doesn’t outweigh the risk of misuse.We don’t need these in our country.
We have make sure it’s #NeverAgain
Twitter Ads info and privacy
Disa persona iu drejtuan autoriteteve për të dorëzuar armët në posedim të tyre për t’i shkatërruar. John Hart, një fermer dhe anëtar i Partisë së Gjelbër të Wairarapa (një rajon i Zelandës së Re), shkroi në Twitter se ai nënshkroi formularin për të dorëzuar pushkën e tij. “Deri në ditët e sotme isha një nga neozelandezët, të cilët kishin në pronësi një pushkë gjysmë automatike, mund të jetë një mjet i dobishëm në disa rrethana, por kjo nuk e tejkalon rrezikun e keqpërdorimit”, tha ai.
Organizatorët e ekspozitës më të rëndësishme të armëve në Zelandën e Re, të planifikuar për në 23 mars, kanë vendosur të anulojnë manifestimin “për respekt” ndaj viktimave të sulmeve ndaj dy xhamive në Christchurch. Panairi Ushtarak Kumeu, i cili po zhvillohet afër Auckland prej pesë vjetësh, është anuluar gjithashtu për shkak të “rreziqeve të sigurisë së lartë”.
Ndërkohë, mediat lokale raportojnë se Tarrant ka shkarkuar avokatin e tij dhe synon të mbrohet i vetëm në gjykatë: hipoteza po shtohet se 28-vjeçari ka ndërmend ta kthejë gjyqin në një mjet për propagandën suprematiste. Avokati Richard Peters deklaroi se Tarrant dukej “i kthjellët dhe jo mentalisht i paqëndrueshëm”, megjithëse ai ka besime ekstremiste.
