Gerard Pique do të mungojë për tri javë për shkak të një lëndimi në nyjën e këmbës gjatë fitores ndaj Manchester Cityt.
Mbrojtësi i Barcelonës, Gerard Pique do të mungojë për tri javë për shkak të një lëndimi në nyjën e këmbës gjatë fitores ndaj Manchester Cityt me rezultat 4:0 në Ligën e Kampionëve.
Fillimisht besohej se reprezentuesi spanjoll do të mungojë rreth dhjetë ditë.
Por, ai nuk do të jetë në dispozicion të ekipit për tri javët e ardhshme, ka njoftuar kampioni i La Ligës.
Pique do të mungojë në ndeshjet në ligë kundër Valencias, Granadas dhe Sevillas si dhe takimit të kthimit me Manchester Cityn në Ligën e Kampionëve.