Deputetët e Kuvendit të Kosovës kanë miratuar rezolutën e propozuar nga Grupi Parlamentar LDK-PDK dhe Grupi 6+, e cila kërkon lirimin e menjëhershëm të Nehat Thaçit, por jo edhe pezullimin e bisedimeve me Serbinë deri në lirimin e Nehat Thaçit dhe shfuqizimin e të gjitha fletë arresteve ndaj qytetarëve të Kosovës të lëshuara nga Serbia.
Kjo rezolutë mori 51 vota për, 13 kundër dhe 8 abstenime, raporton lajmi.net
Ndërsa rezoluta e dytë e paraqitur nga iniciuesi i debatit Gëzim Kelmendi dhe e përkrahur nga paritë opozitare, e cila nuk ishte dallime të mëdha në krahasim me atë të partive në koalicion, përveç pezullimit të bisedimeve deri në lirimin e Nehat Thaçit mori 19 vota për, 38 kundër dhe 18 abstenime.
Pikat e rezolutës të propozuara nga LDK, PDK dhe grupi 6+:
Kuvendi kërkon lirimin e menjëhershëm të Nehat Thaçit,
BE-së që të ndërhyjë në Qeverinë e Serbisë për lirimin e Thaqit dhe çdo komunikim me Serbinë të bëhet nëpërmjet zyrës së Mogherinit.
Poashtu, rezoluta parasheh që t’i bëhet me dije BE-së se Serbia po rrezikon përmirësimin e marrëdhënieve.
Ndërkaq, pika e fundit e rezolutës përcakton që të kërkohet nga Interpoli që Kosova të bëhet pjesë e kësaj organizate dhe që urdhër arrestet e Serbisë të kalojnë nëpërmjet Interpolit.
Pikat e rezolutës të propozuar nga Gëzim Kelmedni dhe partitë opozitare:
Kuvendi i Republikës së Kosovës kërkon lirimin e menjëhershëm të Nehat Thaqit
Kuvendi kërkon nga Qeveria e Kosovës pezullimin e bisedimeve deri ne lirimin e Thaqit dhe pezullimin e të gjitha akuza ndaj ish-ushtarëve të UÇK-së
BE si garantues përmes mekanizmave të saj të angazhohet për lirimin e Thaqit
EULEX-i të deklarohet për rastin Thaqi dhe të angazhohet për lirimin e tij
Qeveria të ndërmarr të gjitha veprimet që Policia e Kosovës të bëhet pjesë e Interpolit dhe flet arrestet e Serbisë të largohen nga Interpoli.
