Epidemia më e re që ka pushtuar planetin është obeziteti tek fëmijët. Ky problem ndikohet nga disa faktorë, si: kushtet e jetesës, mënyra e ushqyerjes dhe trashëgimia.
Mbipesha dhe obeziteti ndikojnë në jetën e fëmijëve, pasi përballen me një sërë pengesash, si fizike, psikologjike dhe probleme shëndetësore.
Obeziteti më pas bëhet shkak i një sërë sëmundjesh, si: sëmundjet e zemrës, tensioni i lartë i gjakut, skleroza, diabeti, kancer, sëmundjet e aparatit tretës etj.
Dietologia Rolina Naço sugjeron këto 5 zakone për të parandaluar mbipeshën tek fëmijët dhe si një udhëzues për fëmijët.
- Të mos e lejojnë fëmijën e tyre të largohet nga shtëpia pa konsumuar vaktin e mëngjesit.
- Ushqimi që do të konsumojë fëmija në shkollë duhet të jetë nga shtëpia dhe jo produktet e rafinuara që tregtohen (fast food) përveç ushqimit dhe 1 shishe ujë të vogël me vete.
- Të mos konsumojnë vaktin e tyre (p.r.sh drekën, darkën, pasdite etj) prindërit por dhe fëmijët në prani të televizorit (TV, smartphone, laptop, video game etj).
- Produktet e rafinuara nuk duhet të jenë të pranishme në raftet e kuzhinës por të zëvendësohen me ushqime natyrale. (Jo nënproduktet e mishit – proshuta- salcice, pije freskuese, ëmbëlsira, patatina etj), por fruta të freskëta, perime, fruta të thata.
- Mamaja do të duhet të gatuajë sipas frekuencës së kuzhinës mesdhetare për të mos munguar elementet ushqyes tek të gjithë pjesëtarët e familjes.
1 herë në javë mish vici, 2 herë në javë produkte deti, 3 herë legume dhe mish i bardhë (pule, lepuri, zogu etj).