Ndërsa anëtari tjetër nga radhët e LDK-së, Anton Quni ka vlerësuar Policinë e Kosovës me notën 10.
“Për punën e policisë një vlerësim nga 1-10 unë jap vlerësimin 10. Ne jemi të lumtur që si shtet kemi treguar se jemi duke u konsoliduar dhe këtë u kemi treguar shtetit fqinj”, ka thënë Quni.
Rexhep Selimi i Vetëvendosjes, ka theksuar se opozita i mbështet operacionet policore që kanë të bëjnë me mbrojtjen e sovranitetit.
“Opozita kërkon dhe mbështet operacionet policore që kanë të bëjnë me mbrojtjen e sovranitetit të vendit dhe kërkojmë që të ketë aksione të tilla për çdo ditë, e jo vetëm si ai i të shtunës më 14 janar”.
Ndërsa, Zafir Berisha i NISMA-së, ka thënë se nga bisedimet me Serbinë janë bërë aq shumë lëshime që është rrezikuar sovraniteti i vendit.
“Në fjalimin e tij ministri e pranoi se në atë pjesë ka veprim të strukturave paralele. Atje nuk është bërë asgjë përveç që është respektuar Kushtetuta në atë pjesë dhe që është hera e parë. Nga bisedimet me Serbinë kemi bërë aq shume lëshime sa që kemi rrezikuar sovranitetit e vendit”, është shprehur Berisha.
