Atentati i dyshuar ndaj kreut të PD-së Lulzim Basha, ka sjellë edhe reagimin e ish-kryeministrit Sali Berisha. Ky i fundit, me anë të një shënimi në faqen e tij në Facebook, shkruan se pas kërcënimit për Bashën qëndron Edi Rama.
Berisha në këtë mënyrë ka paralajmëruar kryeministrin aktual, Edi Rama duke i thënë se do merrmi me ty.
Ja çfarë shkruan ish-kryeministri Berisha në Facebook:
Pas kërcënimit ndaj Bashës qëndron fiks Edi Rama!
Rama pranon se qëndron ai vetë me mafien e tij shtetërore prapa kërcënimit ndaj Bashës! Ai me pohimin e tij gazetarëve u tha: mos kujtoni se e kam bërë unë!
Prej dy ditësh mediat ziejnë për një atentat të mundshëm kundër Bashës. Natyrisht në këtë rast gjëja e parë që të shkon ndërmend është një organizim i mafies dhe krimit të organizuar qeveritar me në krye direkt Edi Ramën, i cili e shef se Basha e ka shndërruar atë në kryeministër të pakallur dhe rruga e vetme për tu kapur pas një fije bari është eliminimi fizik i kundërshtarit.
Ky arsyetim bazohet ne:
Së pari cilido që analizon me qetësi të dhënat arrin në përfundimin se kemi të bëjmë me një piste zyrtare mafioze.
Se dyti dy vite më parë Rama angazhoi kryebanditin e Tiranës për ti çuar Bashës direkt, nëpërmjet zonjës Ademi, asokohe deputete e PD-së mesazhin e Edvinit “mbylle gojën ose kokën”! Ky kërcënim u denoncua publikisht nga PD-ja dhe media, por Shullazit, të porositur nga Edvini i tij nuk i hyri gjembi në këmbë përkundrazi ju shumëfishuan fuqitë.
Se treti, Edi Drama, duke parashikuar fundin e tij të sigurtë në burg, të paktën 35 vjet vetëm për një çështje, është i aftë të bëj gjithçka për të shpëtuar lekurën e tij. Prandaj ai sot, duke pohuar mori përsipër autorësinë e skenarit për destabilizimin e vendit, deklaroi atë që ka përgatitur vetë pasi nuk arriti nuk guxojë të mohojë skenarin e destabilizimit të vendit për të shpëtuar lëkurën e tij.
Se treti, cilido që ka ndjekur me vëmendje sjelljet, manierizmat, fjalët e Ramës tre javët e fundit konstaton se Rama është jo vetëm i sëmurë, por edhe i pakurueshëm. Ai ka humbur jo gjumin, por mendjen!
Me këtë rast i themi kreut të meduzës të krimit të organizuar Edi Rama, se për çdo përpjekje kundër liderit të opozitës apo anëtarëve të saj do përballesh me ndëshkimin me të rëndë personal!
