Presidentit i Rusisë, Vladimir Putin vizitoi Serbinë më 17 janar të këtij viti.
Presidenti rus, Vladimir Putin, i tha kreut të Serbisë, Aleksandar Vuçiq, se administrata e tij mund të bashkohet me bisedimet për të zgjidhur mosmarrëveshjet midis Kosovës dhe Serbisë.
Sipas Putinit kjo do të bëhet nëse SHBA-të bashkohet me Kosovën, shkruan blici serb, transmeton lajmi.net.
Putin i tha Vuçiqit gjatë takimit se dyshon se Bashkimi Evropian ka fuqinë për të ndihmuar në arritjen e një marrëveshjeje.
BE po ndërmjetëson negociatat ndërmjet Kosovës dhe Serbisë dhe të dy vendet duhet të zgjidhin mosmarrëveshjet e tyre për të qenë në gjendje të bashkohen me bllokun më të madh tregtar në botë.
Serbia, e ndihmuar nga Rusia dhe Kina, po mbajnë të bllokuar Kosovën si shtet sovran dhe i pavarur të anëtarësohet në Kombet e Bashkuara dhe organizatat e tjera globale.
Ndërsa, dje nga ish ambasadori i Serbisë në Bjellorusi, Sreçko Gjukiq u paralajmërua se presidenti i Rusisë, Vladimir Putin gjatë vizitës në Beograd ka paralajmëruar një skenar të ri të mundshëm për zgjidhjen e çështjes së Kosovës.
Gjukiq ka thënë se kjo parasheh angazhimin më aktiv të Rusisë së bashku me Shtetet e Bashkuara të Amerikës.
Gjukiq ka theksuar se Putin është i mendimit se udhëheqja e Bashkimit Evropian të dialogut mes Prishtinës dhe Beogradit nuk ka sjellë rezultatet e duhura dhe duhet të ekzistojë një modul i ri për të sjellë një zgjidhje përfundimtare.
