Marrëveshja për urën e Mitrovicës është arritur në kuadër të dialogut të lehtësuar nga BE-ja mes Beogradit dhe Prishtinës në gusht 2015.
BE-ja është takuar me të dyja palët sot për të sqaruar çështjet e lëna pezull në lidhje me zbatimin e kësaj marrëveshjeje.
Te dyja palët janë pajtuar që të harmonizojnë dizajnin e projektit për rivitalizimin e urës në Mitrovicë dhe rregullimin e rrugës “Mbreti Petar”.
Rrethrrotullimi në veri të Mitrovicës do të lidhet me qendrën në rrugën “Mbreti Petar” kështu duke ofruar liri të lëvizjes, përderisa të gjitha shqetësimet në lidhje me sigurinë janë adresuar.
Palët ranë dakord gjithashtu se dizajni fillestar i rrethrrotullimit, siç është rënë dakord në Bruksel, në gusht 2015, do të respektohet plotësisht.
Bashkimi Evropian do të mbetet në kontakt të ngushtë me të dyja palët për të siguruar zbatimin e marrëveshjes së gushtit të vitit 2015, marrëveshjes së zbatuar nga gushti 2016 dhe kuptimin operacional të arritur sot me të dyja palët në mënyrë që afati në 20 janar për rihapjen e urës dhe rrugës së këmbësorëve të përmbushet
